中環出更：頻唱衰香港 黃之鋒被嘲年紀輕輕識「賣國」
香港眾志秘書長黃之鋒經常到國外「唱衰香港」，曾被批評係「新生代漢奸」，近日黃到德國訪問時，更以冷戰時期嘅柏林形容現時嘅香港，稱「香港就係新嘅柏林」，惹來外界多番批評。黃之鋒近日喺網上被截圖並批評佢二十幾歲就識得「賣國」，呢番諷刺佢嘅言論喺網上瘋傳。睇嚟唱衰香港，真係注定惹來外界反感！
有關諷刺黃之鋒言論，係貼上黃嘅相片，並撰文指「你們真的冇嚟大志」，只懂賣菜、買（賣）車、賣房的小生意，來看看這位二十出頭嘅未來社會主人翁已經懂得賣國。
遭批「新生代漢奸」
黃過往曾經多次到國外講述香港發生嘅事件，被形容係唱衰香港，佢過往亦曾呼籲英美政府施壓介入香港事件，又曾公開表示希望美國國會盡快落實《香港人權與民主法案》，曾被官媒形容黃為亂港分子，主動「賣身」予美國主子，係「新生代漢奸」。
黃近日到德國訪問，又稱「香港就係新嘅柏林」，其訪問遭官媒批評為分裂分子，其言論為咗討好西方政客，批評佢將香港比作柏林，既是對歷史嘅無知，亦係對現實嘅懵懂。黃一次又一次到國外唱衰香港，多次被外界猛烈批評都唔肯收手，難怪會被認為係「賣國」喇！
卓妮