on.cc東網直播 「藍鳥」齊心再踢好波 傑志迎佳聯元朗陪你追月

開鑼戰大勝愉園5比0的傑志，5個入球分別由5位外援攻入，主教練施利斯高域（Blaz）滿意球隊表現，又大讚球員領先3球後沒有鬆懈。

施利斯高域說︰「我哋聯賽有個好開始，但比賽一場還一場，而且我哋有幾位球員之前代表港隊出戰世界盃外圍賽，對柬埔寨及伊朗嘅兩場賽事均有5位球員出任正選，因此要睇賽前一刻嘅狀態，先決定邊個上陣，當然，我個人唔傾向作出太多調整，即使有調動都係針對對手同戰術作出決定。對手上場雖然喺主場輸波，但只係喺最後幾分鐘連失兩球先落敗，所以亦唔可以低估。」

陳文俊嚴防基爾頓

佳聯元朗首輪聯賽主場領先1球下，完場前連失兩球不敵東方龍獅，主教練陳文俊認為球隊表現不過不失，今仗面對另一支勁旅，陣式未必會有太大改變：「傑志首仗大勝愉園，佢哋幾位新球員入面，以基爾頓最搶鏡，唔止起到中場串連嘅作用，後上參與進攻亦好有效率，所以我哋會作出一啲針對性嘅部署。不過，既然我哋慢慢建立到隊形，有自己嘅足球風格，我諗未必咁輕易改變，人選或者有啲調動，但陣式應該唔會點變。」

提醒隊友咪輕敵 藍鳥雙副隊長：搏盡！

兩位傑志副隊長費蘭度及唐建文賽前寄語隊友，對佳聯元朗要提高警覺，不能輕敵。聯賽揭幕戰便取得「士哥」的費蘭度認為，首仗贏波後便要收拾心情應付下一仗︰「喺聯賽的確係有個好開始，但每場波都要重新嚟過，用盡力去贏，尤其元朗嘅踢法勤於跑動，球員對抗性好強，陣中又有唔少有質素嘅球員，所以要出盡力去爭呢3分！」

另一位「藍鳥」副隊長唐建文亦對佳聯元朗有不俗評價︰「有睇過元朗嘅比賽片段，覺得佢哋雖然有唔少人腳變動，但係都好團結，同喺防守反擊同進攻點方面都做得好好，會畀到對手唔少壓力，所以我哋喺防守部署方面都要下苦功。」