政情：健康理由 黃卓健退新民黨
又有區議員退出新民黨！元朗區議會頌柏選區議員黃卓健（圖）尋晚喺社交平台貼文宣布退出新民黨。佢話因身體健康出現問題，已向新民黨提出請辭。其黨友屯門區議員甘文鋒則留言叫佢保重，離島區議員傅曉琳則表示驚訝。
網友感突然 籲保重身體
黃卓健喺社交平台話唔會競逐連任，但會繼續履行任期中嘅工作，同埋感謝居民多年來嘅支持。唔少網友對佢呢個決定感到突然，有網友就感謝佢嘅付出，並叫佢保重身體，亦有唔少網友認為佢離開新民黨係正確嘅選擇。
近年嚟有唔少區議員退出新民黨，依家加上黃卓健退黨，新民黨嘅區議員數目只剩番十三人，較高峰時有三十一個區議員，減少逾半。