政府不斷話反修例嘅行動對社會經濟同民生都受到重大影響，政務司司長張建宗同財爺陳茂波（波叔）尋日又做鍵盤戰士，喺網誌話預料喺外憂內患下，本港面對今次經濟周期性逆轉唔會短時間消失，情況比沙士同金融風暴更嚴峻，而波叔亦話有關嘅行動已令疲弱嘅經濟受到更沉重打擊。講嚟講去都係三幅被，但又攞唔出實質嘅解決方法，點會有人相信政府，咪齋噏當秘笈喇！
