足球令無家者重燃夢想

香港無家者足球代表隊早前遠赴威爾斯卡迪夫城出戰無家者足球世界盃，曾與捷克、美國及巴西等強敵對決，獲得兩場勝仗完成賽事。港隊前日以3戰全勝佳績進身昨日的曙光組賽事，惟於8強以1比3不敵俊昌足球隊，只能爭奪曙光盾。最終港隊在將士用命下，以4比1力挫由賽馬會青少年體育記者培育計劃前成員組成的香體露，贏得曙光盾季軍。

剛上任傑志副足球總監一職的梁志榮，是今屆無家者代表隊的主教練。他表示過往亦曾帶領港隊參加無家者世界盃，今年之所以再度領軍，是因為身為領隊的前港隊成員胡仲文向他發出邀請，他沒多想便應允。港隊在今屆世盃中錄得兩場勝仗，「細榮」坦言未感滿意：「因為慈善賽遲咗舉行，球員冇得喺踢世盃前熱身演練，令佢哋心理上未能完全適應。」「細榮」又笑稱球員們即使未受過正規足球訓練，但他們熱愛足球的程度，甚至比職業球員有過之而無不及。

香港代表隊（左）在曙光盾賽事獲得季軍。	利記A	香體露

唐全鴻學懂包容忍耐

港隊門將唐全鴻在世界盃和今次籌款賽屢救險球，原來他曾遇上一段長達10年的挫折：「本身沉淪咗10年，甚至屋企人同朋友都遠離我。自己覺得唔想再嘥時間，所以就嘗試入輔導中心。」這位門神及後透過選拔加入港隊，經特訓後成功代表香港出戰世界盃，透過足球學習不少正面價值觀：「學識唔好埋怨，仲有包容、忍耐同堅持。嚟緊都想考番個健身教練牌，呢個係細個時嘅夢嚟，但嗰時未企番起身擺埋一邊。依家因為足球重拾夢想。」

圖／文：黃雋謙、李浚𣇹