有環保團體嘅調查發現超市貨品中逾八成都係用即棄塑膠包裹，有生果禮盒仲用逾二十件即棄塑膠包裝，環團要求超市盡快制訂清晰嘅減塑指引。話時話，政府喺推動走塑真係差強人意，好似立法規管即棄膠餐具咁，唔係啲立法會議員鬧爆，環境局局長黃錦星都唔肯郁，早前仲話要做吓研究先，而環團早喺一年前已叫政府將超市過度包裝嘅問題加入即棄膠餐具一齊做，有冇聽到政府話做？可見黃錦星根本懶理，走塑得把口喇！
