探射燈：無裝備唔知驚 獨行客夜潛玩命
近期發生多宗夜潛致命意外，惟本報記者連日深夜直擊，發現西貢及大埔一帶夜潛熱點仍有不少夜潛客，部分人懶理海底危機四伏，有人只穿背心短褲捉蟹；亦有人「單人匹馬」前往夜潛，未有旁人照應。有潛水專家指，近月是潛水旺季，海床魚獲甚豐，惟相關意外黑點海床呈暗斜而易生意外，加上泥漿容易啜住雙腳，大大增加遇溺機會。
僅穿背心短褲 愈潛愈離岸
日前凌晨一時，大埔三門仔對開水域有兩點微弱光線於水面閃爍，記者循光線方向走近，於石灘上發現有兩名青年於水中夜潛。現場所見，兩名男子年約三十歲，有佩戴潛水鏡，惟兩人均沒有穿着具浮力的潛水衣和蛙鞋，其中一人更只身穿背心短褲，並一直潛往水底摸蜆及捉蟹，再將收穫放進水面的發泡膠箱，二人漸漸愈潛愈離岸，最終夜潛近兩小時方返回岸上。
至於大埔沙欄亦有夜潛愛好者的蹤迹，「同朋友夾唔到時間，惟有一個人嚟潛，都聽過有人喺度發生過意外，自己會小心啲。」陳先生（化名）指，自己對夜潛有一定經驗，加上會穿上整套潛水衣、褲及蛙鞋，而且只會到水深不足兩米的近岸水域活動，故他認為情況相對較易控制。
滿布尖石蠔殼 隨時割傷腳
「捉咗啲花蟹，有啲魷魚，呢邊都幾多嘅，慢慢潛，自己當運動。」陳指，他一般會於深夜時段到沙欄潛水，會挑選沒有下雨及較小浪的日子，他又認為，穿着適當的裝備落水最為重要，「水底下面其實咩都有，好多尖石蠔殼會整損你，千祈唔好大意，潛水衣除咗有浮力，仲可以保護自己身體，一定要着。」
「我哋嚟當游吓水，強身健體，都會注意安全。」另一夜潛熱點西貢亦是意外黑點，日前李先生和朋友一同到銀線灣夜潛，他向記者表示自己是夜潛新手，所以會做足安全措施，離岸時必會穿上全副潛水裝備，亦會留意水面情況，量力而為，「有時好容易會一邊捉一邊唔覺意會行出咗，我自己會好留意，盡量行到米半深左右就唔再出，總之企番直個人就抖到氣嘅高度。」
香港潛水訓練學院創辦人李健光指，這類夜潛活動和一般行內稱為浮潛的目的不同，「浮潛主要係透過佩戴潛水鏡呼吸管，令你可以望落去海底嘅世界，觀察魚同珊瑚，而潛落去目標係捉蟹嘅呢種活動，因為一般都係行出去岸邊，雙腳係掂地嘅，我哋會叫做岸潛，呢種夜潛聽落係人都做得，但係往往係好危險。」
海床暗斜 泥漿啜腳易遇溺
李解釋指，三門仔及沙欄泥灘因有大量花蟹出沒，容易捕捉而成為夜潛捉蟹熱點，但又因海床多纏繞物，海床呈暗斜而易生意外，加上泥漿容易啜住雙腳，若不能及時將腳抽出來，將導致遇溺，過去亦發生多宗夜潛死亡事故，「仲有一樣係好危險嘅就係呢啲近岸夜潛，有時潮退嗰陣落水捉蟹，以為好近岸，點知諗住上岸嗰陣遇上潮漲，發現嗰陣可能已經唔夠體力游番上岸。」
按消防處資料顯示，今年首六個月墮海拯救事故（包括夜潛意外）有四十二宗，去年全年有八十七宗，比前年的八十一宗有上升趨勢。
圖/文：專案組