政情：今日你上鏡：墨西哥睇岩洞仙境 沈運龍嘗試唔腳踏實地

外遊當然要睇吓啲美景，喺珠寶界有「中東王子」之稱嘅香港珠寶製造業廠商會榮譽主席沈運龍（Aaron）喺社交網站貼咗張相，見到佢喺個岩洞入面潛水，頭頂仲戴住一盞燈添，睇嚟岩洞嘅環境好似有啲暗，其中仲有幾張相見到有幾度光射落岩洞內嘅水上，真係好似仙境。原來Aaron去咗墨西哥，佢貼文話，以前去桂林同廣州睇岩洞都係腳踏實地，今次喺墨西哥體驗完全唔同喎。睇嚟佢今次墨西哥之旅一定好難忘！