政情:難忘補習儲錢買漫畫 譚健業買日本版留念

好多人都會回味童年時所睇過嘅動漫,就好似仁愛堂總理譚健業就係日本動漫《足球小將》嘅忠實粉絲,日前佢趁住動漫節展期最後一日,入場參觀兼買咗一本日文版嘅《足球小將》漫畫,留嚟紀念添。

曾望穿秋水等新書登場

譚健業話,學生時代就覺得電視台播放嘅《足球小將》卡通,內容勵志、情節吸引,雖然家人曾勸佢切勿沉迷,以免影響學業,但好彩自己讀書成績唔差,後來幫人補習賺外快,就開始收集《足球小將》漫畫。由於足球小將嘅漫畫故事,繪製需時,又要加中文翻譯,往往要相隔三幾個禮拜先至出版一冊,所以經常望穿秋水咁,留意報攤有冇新書登場。

佢又話,長年累月咁買,總算集齊整套漫畫,依家存放喺迷你倉內,但手機裏面都安裝咗《足球小將》嘅遊戲程式調劑吓,自己都識得適可而止,每次玩十幾分鐘就夠喇!

第一手消息請下載on.cc東網iPhone/iPad/Android/Windows Phone Apps