政情:公民講場:兩醫學院鬥出招 狀元未受錢動搖

每年文憑試放榜,各院校都好想搶到狀元入讀,今年十二名文憑試狀元中,有九人已表明有意讀醫,搞到港大醫學院同中大醫學院都要出招搶人,古語有云:「重賞之下,必有勇夫。」兩大醫學院都齊齊提供獎學金,唔通港大醫學院院長梁卓偉同中大醫學院院長陳家亮都想「銀彈」攻勢吸引班狀元?不過有啲狀元就講明「銀彈」唔會動搖到佢哋,睇嚟一早心意已決揀定咗喇。當年政府宣傳「求學不是求分數」,結果依家,兩間醫學院都要搶狀元,睇嚟講到尾,求學都係要講分數先至得?

第一手消息請下載on.cc東網iPhone/iPad/Android/Windows Phone Apps