政情：公民講場：書商憂無法離場 方舜文無後備方案

近期香港連場示威，暴力衝擊場面不斷上演，就連每年場面墟冚嘅書展都受到影響，今日港島區再有大型遊行，有書商直言打錯如意算盤，更有書商鬧爆主辦單位貿易發展局，無同佢哋傾過提早閉館嘅後備方案，擔心運唔到啲貨走，只好入少三成貨「自保」，以防書展提早閉館。其實上月正正就有展覽因示威活動而遭腰斬，但參展商運唔走啲貨，有咗先例，貿發局總裁方舜文係咪應該吸取經驗借鏡，早早同參展商傾好物流呢？