政情：今日你上鏡：試坐無人駕駛 葉劉大讚科研投資有成果
科技日新月異，唔跟貼啲好快就變得落後於人，追唔上時代步伐，立法會議員葉劉淑儀（圖）深明呢個道理，非常大膽咁試坐無人駕駛車，睇嚟好信賴呢種新技術喎！
葉劉尋日喺Facebook上分享參觀香港應用科技研究院，話行程中了解咗多項研究成果，好似有掌紋掃描、樂齡科技等，大讚政府對科研投資已經有豐富成果。其中，佢更上載坐喺一架兩座位汽車嘅相片，咪以為呢架車以車廂細小作賣點咁普通，其實該汽車內有乾坤，借助咗5G技術行駛，係一架無人駕駛車，難怪令到見慣大場面嘅葉劉都話大開眼界喇！
（互聯網）