政情：今日你上鏡：譚志源 劉江華 陳岳鵬舊拍檔合體

舊同事關係好唔係必然o架，政制及內地事務局（政制局）前局長譚志源（Raymond，左）喺社交網站上載同民政事務局局長劉江華（右）及政制局前副局長陳岳鵬（Ronald，中）嘅合照。Raymond最初做政制局局長時，劉江華同Ronald分別係佢嘅副局長同政治助理，後來二人都高升。Ronald話，上次見劉江華已經係一年多前，今次係佢離開政府後，三人首次合照，仲同劉江華大講睇咗邊幾個藝術節節目，對方就話自己睇咗啲本地劇團。Ronald話打算下次約埋劉江華睇show喎！