政情：公民講場：不滿泛民亂扣帽子 何君堯話咪搵人祭旗

外界一直有意見認為單程證來港人士過多，影響本港嘅社會福利同醫療服務。建制派立法會議員何君堯尋日出席電視台節目時，就話認同要改革單程證，港府可以建議調整配額，但強調審批權喺中央政府手上，坊間亦唔應該將本港所有問題歸咎於新移民，泛民亦唔應該經常將民生議題政治化。好似民主派會議召集人毛孟靜早前喺有關改革移民及入境政策議案發言時，就加入「去中國化」嘅字眼，何坦言處理民生議題要由政策入手，唔係搵人出嚟「祭旗」喎！睇嚟都係毛孟靜等民主派下下政治化，亂咁扣人帽子，搞到出晒事，何君堯都忍唔住出聲阻止佢哋再亂咁搞。