公營房屋極度短缺，公屋輪候冊條隊愈排愈長，而新一份財政預算案就提出預留二十億元，支持非政府機構興建過渡性房屋。但有議員喺立法會一個相關委員會要求政府將過渡性房屋納入長遠房屋策略指標，但運輸及房屋局副局長蘇偉文以唔合適為由拒絕。老實講，過渡性房屋根本係用嚟止咳，對紓緩房屋供應量嘅作用好有限，而政府唔將佢納入長策，難怪畀人鬧係A字膊，無承擔喇！
