政情：珠寶業旺丁不旺財 黃紹基胡楚南有信心扭轉
雖然訪港旅客人數屢創新高，但好多零售業都呻話旺丁不旺財。早前喺一個場合見到香港珠石玉器金銀首飾業商會理事長黃紹基（Ken）同埋香港鑽石總會常務理事胡楚南，講開生意經，Ken就話好多內地遊客只為體驗新落成嘅基建，唔過夜、消費少，呢種遊客性質有待改善。不過隨住市道逐漸興旺，有信心市場買賣氣氛會慢慢恢復。
中港交通便利 業界有得益
以珠寶批發生意為主嘅胡楚南受到嘅影響比較細，形容舊年生意都算唔錯。佢話零售業確實比較難做，但佢對未來一樣信心滿滿，認為香港珠寶業嘅信譽同產品都係世界一流，而且中港兩地交通便利咗，長遠而言會方便內地客嚟港，所以業界始終會有得益嘅。