政情：糖尿失控 邵家臻變獨眼龍

睇嘢矇矇哋 向立會請假

其實，邵家臻本身唔止患有濕疹，仲有糖尿病。最近佢仲發現糖尿上眼，醫生建議佢去打針，一個療程要打三支針，尋日打第一針。

由於支針係打落隻眼度，所以佢打完針需要用紗布遮眼，仲將變咗獨眼龍嘅相上載社交網站Facebook添！

邵家臻日前話，最近去咗做身體檢查，特別睇睇自己嘅糖尿病問題。點知佢發現膽固醇超標，而且糖尿失控上埋眼，仲話難怪自己呢排睇嘢都矇矇哋咁。佢又解釋，話病理上嚟講係叫「黃斑水腫」，治療嘅方法就係喺右眼打針，然後等消腫、放水同埋減壓。

佢又引述醫生話三支針係要分開打，每隔一個月就打一次，而打完針之後睇嘢都會矇矇哋，所以佢已經向立法會請咗假休息喇！