政情：公民講場：柯創盛鬧爆羅致光 「左耳入、右耳出」

政府早前宣布由下月起上調長者綜援合資格嘅申請年齡到六十五歲，好多立法會議員即刻跳出嚟鬧爆政府，其中建制派嘅議員柯創盛炮轟政府將啲貧窮長者推向邊緣，斥責勞工及福利局「左耳入、右耳出」，冇理會議員嘅意見。老實講，政府出陰招，依家跣到班議員攤攤腰，勞福局局長羅致光直情扮聾耳陳，聽咗都當冇聽過，亦唔會認聽過，所以話呢個政府信得過，豬乸都會上樹呀！