政情：八網難逃：沈祖堯接掌環委會 新舊交替食素慶祝

環境保護署轄下嘅環境運動委員會日前有人事交替，由香港中文大學前校長沈祖堯接替天文台前台長林超英出任主席一職，環境局局長黃錦星、新舊主席連埋委員仲一齊食飯慶祝，不過作為環保分子，即使咁喜慶都冇大魚大肉，反而係食素食簡餐！黃錦星仲話有新嘅年輕委員係十幾年前嘅首屆「學生環保大使」，亦有透過「青年委員自薦計劃」加入嘅成員，希望新一屆可以多啲環保火花，齊齊「揼少啲、慳多啲」咁話。