中環出更：最低工資叫價高 吳秋北打定輸數

吳秋北提起最低工資時，初時強調應定喺四十二點五元，仲話會據理力爭，無可退讓。不過講講吓疑似褪軚，話相信最後結果未必達致這個水平，咁就需要政府作出交代，若商界認為這個水平不合適，亦需有強烈理據喎。

自稱住家男 煮飯叻過太太

講番個活動，吳秋北首次學茶餐廳師傅「撞茶」同埋喺西瓜雕花，最終西瓜冇師傅雕得咁靚，佢就笑指自己朵花係含苞待放喎！講起煮嘢，原來佢煮飯叻過太太，自稱係「住家男」，煮得一手福建菜，以前都會煮吓家常便飯，即係煎牛扒同整海鮮。嘩，睇嚟佢啲家常便飯難度都幾高喎！不過佢依家好忙，淨係會整吓早餐。吳又講起屋企有個規矩，就係唔畀食即食麵，因為唔健康，不過若三個女兒喺學校「偷食」，就冇辦法啦咁話。

卓妮