香港眾志秘書長黃之鋒喺一四年衝擊政府總部東翼前地而被判囚六個月，由於佢當時未滿廿一歲，所以被送往壁屋懲教所。本身係香港公開大學學生嘅佢尋日喺一個爭取改善在囚人士權利嘅記者會上，投訴懲教院舍教育措施不足、技能課程唔完善，同埋每月讀書限額只有六本係太少等。佢喺衝擊政總前曾因政改發動罷課，當時佢都係學生。做學生時就搞罷課，唔專心讀書，到坐監時就嫌獄中課程唔夠，唔通佢想學阿茂整餅，冇個樣整個樣？
