中環出更：郭偉强細個太奀皮蚊都唔吼佢

清潔龍阿德（左）同郭偉强（右）一齊呼籲市民保持清潔。（葉華英攝）

香港灣仔區各界協會主席吳國榮就話同灣仔好有淵源，自己十年前喺灣仔起家，做地產投資，當年灣仔區內衞生差，特別係後巷，真係慘不忍睹！佢又舉例，利東街拆完後又起，周圍都唔同晒，整區嘅轉變都歷歷在目，所以佢希望可以由工商界牽頭，配合政府措施，做好區內衞生工作。食物及衞生局局長陳肇始亦話，知道公眾好關注區內衞生問題，而今次嘅清潔活動就舉辦得好合時，畀大家知道要保持清潔，所以專程叫埋清潔龍阿德一齊嚟！

重遇陳天柱 葉劉好開心

身兼行政會議成員嘅立法會議員葉劉淑儀（葉劉）仲喺活動上，同灣仔民政事務專員陳天柱相認添！皆因葉劉以前做保安局局長嘅時候，陳天柱就係佢嘅助理秘書長。葉劉話做議員見番好多前同事，覺得好開心，個個都大個仔大個女升晒官。而佢早喺做入境處處長時，已經常活躍於灣仔，之後離開政府去外國進修，返嚟香港租辦公室都要揀番灣仔，而佢最愛去區內一間出名嘅茶餐廳，歎番杯咖啡加菠蘿油。

陳天柱（左）同葉劉淑儀（右）喺活動上相認。（葉華英攝）

吳國榮（左）同陳肇始（右）都話政商界要合作做好區內衞生工作。

卓妮