中環出更：胡慧中連任江蘇政協 夫何志平續關押美國

政協江蘇委員會尋日喺網站公布新一屆共七百八十九人嘅政協名單，當中有多名香港人，包括喺台灣出生、祖籍江蘇淮安嘅胡慧中。

何涉行賄 兩度申保釋遭拒

何志平涉嫌代表一間中資能源公司，賄賂多名非洲國家元首，以協助該公司取得喺有關國家嘅油田開發權，涉案賄款多達二千多萬港元，事後有關能源公司立即同佢劃清界線，否認涉及事件。何志平被捕之後曾兩度申請保釋候審，包括將保釋金額提高至七千八百萬港元，但都被法官拒絕，認為佢有棄保潛逃嘅風險。

有熟悉美國法律嘅律師估計，案件隨時要審一至兩年，一旦罪成最高可判囚廿年。胡慧中事後曾透過手機短訊回覆本報記者查詢，暗示今次事件涉及國際政治。

卓妮