政情：八網難逃：顏汶羽唔識滑雪 白色聖誕齋自拍
香港嘅冬天唔會凍到落大雪，唔少政界中人為咗睇雪景，專登飛去外地過一個白色聖誕，貪氣氛好啲吖嘛，其中觀塘區議員顏汶羽喺社交網站上載咗一張同太太喺雪地影嘅合照，原來二人飛咗去瑞士過白色聖誕，不過佢就冇滑雪嘞，自爆上年喺北海道學極都學唔識，所以已經放棄咗學滑雪，今次淨係齋睇雪同齋selfie喎！
顏汶羽又話，每年太太都想過一個白色聖誕，所以呢幾年都喺零度下過，而今年去到瑞士都好好彩，天氣好好，所以睇雪山都睇得好清楚，加上好多小木屋頂堆滿積雪，佢形容一幅幅好似風景畫喎。