政情：今日你上鏡：李秀恒免費靚相 宣傳一帶一路

中華廠商聯合會會長李秀恒本身係攝影發燒友，尋日出席廠商會攝影比賽頒獎禮時話，已經去過四十幾個一帶一路嘅沿線國家，影咗唔少靚相，仲免費畀商務及經濟發展局用嚟宣傳一帶一路。李秀恒又透露，正準備明年三月出版一本有關一帶一路嘅攝影集，希望入面嘅照片可以免費畀所有想宣傳一帶一路嘅人使用。對於曾到訪嘅一帶一路國家，李秀恒自言對伊朗嘅印象深刻，當地人很友善，令到佢跑番上車攞糖畀小朋友食添！