感性向師傅多謝Fans

向柏榮感激一眾支持者及親友捧場。

全晚壓軸大戰專業例男子70kg金腰帶賽，「轟炸機」向柏榮再鬥日本「人力車伕」坂本優起，兩人於9月時在日本後樂園鬥得難分難解，向師傅最後以點數勝出，今次回到主場，他賽前豪言自己有120%信心勝出，果然沒有令在場拳迷失望。首回合已經與對手埋身肉搏，多次使出前撐和組合拳，雖然坂本偶而出拳擊中師傅，但向師傅明顯佔優。37歲的向柏榮打足5個回合都「冇有怕」，多次攻擊對手倒地，最後由頭帶到尾以150比138勝出，贏得金腰帶。難得在主場比賽，向師傅賽後相當興奮，更向四面的觀眾致謝。

「估唔到輕鬆咗咁多」

今次以大比數點數勝出，向師傅坦言沒有想過：「9月喺日本打到難分難解，估唔到今次輕鬆咗咁多，比賽期間我好多次都想KO，但畀佢擋住，而佢喺落後情況下都好想埋身KO我，令佢自己節奏更亂，係我今次贏得輕鬆嘅原因。」向柏榮透露想向日本方面申請，挑戰日本現任Shoot Boxing 70公斤拳王，然因在第二回合踢腳受傷，目前最希望休息一至兩個月。

向柏榮由頭帶到尾，贏得充滿說服力。

坂本優起（左）未能威脅「向師傅」。

氣氛熾熱 望繼續推廣搏擊

提到今次比賽，向師傅認為氣氛熾熱令人難忘，令他更有動力在香港推廣搏擊運動：「希望贊助商更努力支持搏擊運動，因為我很想將新鮮武術帶給香港觀眾！」

公布賽果前「向師傅」（右）已充滿自信能獲勝。

群星也撐場 一眾港超、甲一球星入場觀戰，Shoot Boxing果然魅力沒法擋！