中環出更：羅智光 顏獻基緣自音樂
透過音樂關愛病人群體嘅醫藝盟早前舉辦慈善音樂會，公務員事務局局長羅智光都有到場，原來佢同醫藝盟主席顏獻基早年因為音樂而結緣，曾經跟隨同一名師傅汪酋三學藝，仲一樣喺音樂中覓得終身伴侶添。
同樣喺樂團覓得伴侶
羅智光自細就學樂器，年紀小小就考得鋼琴八級資格，大學時代加入青年管弦樂團擔任中提琴手，從而認識以拉小提琴見長嘅顏獻基，兩人成為最佳拍檔隨同樂團去外國巡迴演出。羅智光話，佢同顏獻基又各自喺樂團當中搵到自己嘅另一半，羅智光太太亦係中提琴手。
羅智光笑稱自己之所以成為中提琴手，係因自己手形較大，係玩中提琴嘅有利條件喎。佢讚顏獻基係值得敬佩嘅朋友，因為佢唔止有愛心，又投入精力鍛煉琴技，十分抵讚。
卓妮