政情：今日你上鏡：柯仔唔耍太極就身痕
好多公公婆婆為咗強身健體，閒時都會耍吓太極當做運動。身兼觀塘區議員嘅立法會議員柯創盛（柯仔）日前就去咗返到藍田「老家」，同區內嘅街坊一齊耍太極，順便探吓呢班好耐冇見嘅「戰友」。柯仔仲透露，話佢年幾前先開始學太極，之前都係同街坊一齊學o架咋！
柯仔日前返到去廣田、藍田邨一帶，同街坊耍太極，佢之後仲話耍番太極嘅感覺好好，可以令自己諗嘢諗得清晰啲喎！唔講唔知，其實柯仔年幾前先開始學太極，不嬲都係同街坊們一齊跟師傅學，有時仲會私底下搵師傅補堂，等自己有多啲機會運動。之不過，自從要兼顧埋立法會嘅工作之後，佢都冇乜時間做運動，只能夠喺放工後抽少少時間跑步，平時冇得耍太極都有啲身痕。