候任勞工及福利局局長羅致光尋日喺電台節目中自爆曾考慮過喺大學退休後轉行做的士司機，藉此接觸更多人。本身佢嚟自民主派，又做開扶貧工作，理應較了解低下階層嘅需要，唔通佢仲係覺得唔夠「貼地」？其實過往唔少政府官員同推出嘅政策，都被批評係「堅離地」，依家佢入咗「熱廚房」，日日可以舒舒服服咁坐政府車輛（AM車）出入，唔知日後制訂嘅政策會點呢？繼續「離地」抑或「貼地啲」？大家要拭目以待嘞！
