政情：收料站：另搞七一論壇學界同泛民擘面？

港大學生會缺席六四晚會

本土派素來對泛民主派不滿，各大學生會近年傾向支持本土派理念，港大除咗退出學聯，甚至缺席由支聯會舉辦嘅六四晚會，另起爐灶舉辦論壇。喺舊年七月一日，唔少學生會亦表明唔會參與由民陣舉辦嘅遊行，甚至有本土派組織計劃當晚到中聯辦外集會，中大同樹仁大學亦曾作呼籲出席。

由支聯會舉辦嘅六四晚會，出席人數一年比一年少，今年更創九年新低。民陣發起七一遊行，舊年警方錄得最高峰時有一萬九千三百人，亦創八年新低。雖然港大學生會舊年有繼續參與遊行，但今年卻另起爐灶，七一遊行恐怕隨時步六四晚會的後塵，被大專生杯葛。