政情:公民講場:預算案零突破波叔又做守財奴

陳茂波(波叔)早前「升呢」做財政司司長時,已被外界批評唔夠班,質疑佢唔知點寫份預算案,佢尋日喺立法會發表呢屆政府最後一份預算案,政府盈餘近千億元,但竟然慳住荷包,稅務寬免同派糖少之又少,有部分建議冇派糖不特止,反而減甜添,畀議員炮轟預算案完全冇突破,又形容水浸庫房,但基層市民就水浸眼眉。原來波叔為要展示自己夠班做財爺,就係貫徹前財爺曾俊華嘅作風,做守財奴嘞!

第一手消息請下載on.cc東網iPhone/iPad/Android/Windows Phone Apps