政情：胡志偉食住咖喱講糞案

撐羅健熙接卿姐棒

對於上周嘅白鴿黨黨員大會，建議明年立會選舉該黨可以喺新界東西各派兩隊出選，胡志偉就覺得太過進取，認為該黨來年應採取「穩守突擊」策略，喺五大直選選區各一隊就夠，若能成功保住兩個超級議席，合共七席已經多過今屆。對於黨主席劉慧卿建議搞該黨初選辯論，胡志偉亦唔認同，擔心會畀人操控出現一啲奇怪結果，最後由並非最大機會當選嘅人士出選。

胡志偉又話區選結果反映市民希望「去舊迎新」，因此支持現任副主席中最年輕嘅羅健熙，接替將於明年底卸任嘅卿姐做白鴿黨主席。