今年可以話係小弟人生當中最精彩嘅一年，因為小弟有幸連續參與兩個亞洲成人娛樂界當中兩大盛事，一個就係上個月喺日本舉行嘅日本成人博覽，早幾日小弟去到澳門參與亞洲娛樂博覽，事不宜遲，即刻為大家報道當日嘅精彩實況先！
星期六一向都係小弟去玩去蒲嘅重要日子，同班兄弟落酒吧一邊暢飲一邊睇波，簡直就係人生樂事。之不過，剛過去嘅星期六小弟就嚟個重色輕友，實行唔理班兄弟，同攝影師浩浩蕩蕩滿懷希望咁去到澳門參與亞洲娛樂博覽（AEE），無他嘅，今年大會一如以往有好多靚女睇，更重要嘅係出席今屆AEE嘅日本AV女優，人數多達15個之多，當中更加有小弟最最最鍾意嘅惹火尤物京香Julia！唔過去同佢見面，真係對唔住自己呀！小弟去到現場登記處，就已經聽到會場傳出一陣又一陣嘅歡呼聲、歌聲以及強勁音樂聲，令人興奮之情即時倍增！登記好入場證之後就即刻火速飛奔入場，果然冇令我失望，喺台上正在上演勁歌熱舞嘅係日本AV界人氣組合，由佐倉絆、櫻井步、友田彩也香同埋星美梨香組成嘅Million Girls Z，佢哋熱情又活潑嘅舞步加上甜美歌聲真係震撼人心，難怪會場樓底咁高都覺得熱辣辣啦！
以往嘅亞洲成人博覽多以情趣用品展銷為主，一檔二檔來自世界各地不同嘅情趣用品商展出其得意作品，老實講拖男帶女去睇就未必太適合，因為好多女仔見到情趣用品都表現怕醜，面都紅晒。不過，今年就唔同喇，以娛樂性為主，情趣用品攤檔依然有，但係就比以往少，主要係由日本AV廠KMP以及TMA展出旗下嘅情趣用品。然而，咁又唔代表冇嘢睇，場內依然人來人往，因為表演環節可謂接二連三，除咗KMP、TMA兩大檔位會出現AV女優，與幫襯購買一定金額產品嘅朋友合照同玩遊戲之外，隸屬於日本最大AV銷售網「R18.com」亦有到場擺檔，同樣推銷產品並設有其獨家舞台上演大量火辣表演。
除咗一眾日本人氣AV女優之外，其他國籍嘅佳麗亦為入場人士獻上精彩表演，佢哋表演嘅性感舞蹈，例如鋼管舞等，將精湛舞姿、火辣身材以及挑逗性極強嘅氣氛融為一體，誘人感覺絕對唔輸蝕得過班AV女優。舞台表演以外，外籍舞孃亦喺會場各處舞動人心，除咗跟男士們拍照，佢哋更加熱情奔放到即場表演，扭動豐滿胴體娛樂大家。
提到娛樂，即將引退嘅上原亞衣亦有上台同現場觀眾玩遊戲，送出貼身按摩作為獎品，大家都玩得相當投入。唔想咁刺激，又想學吓嘢，日本知名安全套品牌繼喺上年擺檔畀大家學整安全套之後，今年亦載譽歸來，繼續派出導師指導有興趣嘅朋友親手喺現場逐步製作安全套。
識得喺進行性行為嘅時候使用安全套固然夠晒穩陣，不過更穩陣嘅就係使用膠製自慰器嚟解決慾火喇。有咁多自慰器，揀邊個先好呢？睇完R18.com嘅人間胸器天橋秀之後，我就有心水喇。頭先小弟都講過，今屆以娛樂為主題，請咗好多AV女優參與演出，除咗KMP同TMA兩間AV廠派出多位人氣女優之外，R18.com亦從日本請來6位重量級女優，包括人氣高企嘅京香Julia、有人類最強Body之稱嘅沖田杏梨、大櫬響、神咲詩織、初川南以及湊莉久！6位女優唔單只喺AV界有實力又有人氣夠晒分量，上圍更加相當有料到，特別係京香Julia對J奶以及沖田杏梨對L奶，佢哋着上三點式喺舞台拎住屬於自己嘅膠製自慰器行騷，簡直就係引爆現場所有男人慾火！唔怪得睇完佢哋行騷之後，銷售攤位有咁多人爭相幫襯啦！
特派記者：賢
特派攝影：生