- on.cc 東網主頁
- 4月12日 (六)
「中銀人壽香港超級聯賽」今日為上周因天雨關係取消的賽事進行補賽，富力R&F於主場廣州燕子崗體育場迎戰榜尾凱景。凱景若未能成功搶分便會提早兩輪宣布護級失敗，料必有一番惡鬥！（周六下午2時30分開賽）
目前排聯賽第3的富力R&F，較頭兩位的和富大埔及傑志少踢1場，假若餘下3仗全勝便能奪冠，主教練楊正光強調︰「上周因天氣影響踢唔到場波，多咗一星期畀我哋準備未必係壞事，因為之前有啲球員受傷同有疲態，我同球員講嚟緊每場都當決賽咁打。雖然依家球迷同傳媒，甚至球員都談論緊之後對大埔嗰場波，但係我哋呢一刻要專注應付好眼前呢一場先。」
榜尾凱景落後理文7分，今仗要搶到分才能保住護級機會。由於天雨關係，球隊昨未能在比賽場地操練，需往球場旁邊的仿真草球場進行訓練。凱景主教練馮凱文說︰「始終富力係強隊，作客嚟到廣州唔易踢，會先以不失球為目標。希望球員唔好背負太多護級包袱，以平常心看待呢3場聯賽，或者會有驚喜！」人腳方面，巴西外援羅拔今仗刑滿復出，惟南韓中場金珍曙則未有隨隊北上。
何彥霆廣州直擊
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
