政情：郎朗榮膺首位凡爾賽宮大使
國際著名鋼琴家郎朗日前於法國時間十一月二十日，被委任成為全球歷史上首位凡爾賽宮形象大使。郎朗前日喺微博發文，話自從一二年第一次於凡爾賽宮演出，時至今年喺嗰度錄製新專輯，再到依家成為歷史上首位凡爾賽宮大使，感覺同凡爾賽宮嘅緣分十分神奇。
盼用音樂慰藉法人
郎朗早前分別於法國馬賽、波爾多等多個城市表演完畢，對於早前法國巴黎發生恐襲事件，佢深深感受到籠罩在人們心中嘅憤怒和哀傷。喺呢個非常時期去到巴黎，佢希望可以用音樂慰藉當地人民心靈，將喺馬賽及波爾多舉行的音樂會獻畀巴黎恐襲事件中嘅死難者，並給在生者鼓勵。
郎朗又認為「音樂可以將人們的心聯繫在一起」，「無論哪個國家發生這樣的事情，都需要大家的關心和愛」，冀望凡爾賽宮可以成為一座文化交流橋樑，通過藝術讓世界充滿愛及友誼。