政情：八網難逃：90後「公職王」 惡搞參選橫額

有「最年輕公職王」之稱嘅九十後、豪華飲食集團董事總經理陳嘉華（Jeffrey），幾年前曾經講過話想參選區議會，但今次區選仍未見佢出戰，不過佢就改圖自製參選橫額自娛。Jeffrey尋日於社交網上載咗一張寫上「2015巨議會選舉候選人」、「必勝服務，離地更好」等標語嘅惡搞九龍城區參選橫額，隨即吸引唔少朋友及網民讚好同留言，讚佢「有創意」、又問佢點整等。對於網民嘅支持，Jeffrey亦有回應，話自己由一一年起已講備戰今屆區議會，可惜困難重重，最終仍未能披甲上陣，有負大家對佢嘅支持，所以非常抱歉喎！