世間上被過分吹噓嘅人與事實在太多，例如好多餐廳改個店名乜乜之王、物物之王，但係大家試過後都覺得食物質素平平無奇，試問何以稱王？至於日本新紮青春偶像新川優愛，小弟就敢話佢有稱霸本錢，因為阿妹質素超晒班！
喺日本，不論係寫真界定AV界，巨乳尤物者眾，但唔係話整個業界只得巨乳妹玩晒，唔少人氣高企嘅女優屬微乳，甚至係平胸一族，好似AV女優櫻井步心口平平無奇，而寫真界亦有吉木莉莎、船岡咲等，證明平胸唔緊要，最重要係識得點樣取長補短，將寫真作品演得悅目誘人，呢一點新川優愛就能夠成功做到。
嚴格嚟講，二十出頭嘅優愛唔算係寫真女郎，因為佢以影視演出為主。阿妹樣子清純又甜美，笑起上嚟散發出天真稚氣同青春氣息，實在令人難以抗拒。身材方面，優愛身高5呎6吋，高挑又纖巧，亦因為身上冇乜肥肉骨架又夠幼，即使胸前僅得一對B Cup微乳亦顯得有睇頭，甚具曲線美。
優愛讀小六嘅時候，因為樣子生得標致可愛而獲得藝能事務所垂青簽為旗下藝人，經過兩年發展之後，阿妹得到首次登上電視螢光幕嘅機會，演出電視劇《長子之結婚》，往後陸續演出過唔少人氣日劇，如《GTO》、《35歲的高校生》以及《錢之戰爭》等。而喺眾多電視劇嘅演出當中，優愛嘅角色都係有名有姓，絕對唔係行行企企嘅二打六，仲有阿妹嘅演技得到男神福山雅治稱讚，認真叻女。
優愛長得亭亭玉立之後，便向電影界發展，首部參與嘅電影作品係由北川景子主演嘅《瞬》，另外優愛參加由《Miss》雜誌舉辦嘅選美比賽並奪得冠軍，為影視事業之外再發展出一條寫真之路。除此之外，優愛仲試過為特攝劇集《衝擊之轟雷巖》唱插曲。最近優愛嘅口才得到賞識，被邀請擔任綜合娛樂性電視節目《王樣之分歧》嘅第五代女主持，其演藝成績彪炳，可以話喺同齡嘅女藝人當中稱王稱霸。
個人博客
簡介：新川優愛除咗會喺博客上透露每日嘅工作細節，仲不時會上載靚靚自拍照，雖然照片唔性感，但係可以見到優愛又青春又神采飛揚嘅美貌，亦令人精神一振。
網址：http://ameblo.jp/yua-shinkawa/
新川優愛 Profile
年齡：21歲
身高：5呎6吋
三圍：33-23-32
撰文：賢