政情：政商界閱兵 爭坐樓梯

由下排左邊數上去，社會服務發展研究中心主席邱浩波遞緊部電話出去，似乎係想叫人幫佢影相；佢身後嘅工聯會立法會議員黃國健就忙住玩電話；隔籬戴住黑超嘅飲食界議員張宇人睇落去索晒氣咁款，同樣戴黑超兼紅色鴨咀帽嘅保險界議員陳健波仲誇張，直頭用手捉實欄杆。油尖旺區議會副主席高寶齡就拎住把黃色扇撥涼，十分搶眼；其餘仲有民主黨狄志遠、獨立議員謝偉俊及港交所主席周松崗等。