中環出更：鍾國斌借政改保「功能」

紡織業界多撐「袋住先」

講講吓，Felix就辣到功能界別，話假設政改方案獲通過，二○二○年就會普選立法會，屆時都要處理功能界別點樣改革，包括討論擴闊選民基礎，所以現屆政府開始討論都啱喇。泛民主派一直要取消功能界別，Felix咁講算唔算係「暗渡陳倉」呢？

Felix於本月初就曾向業界發出二千八百多份問卷，收回三百三十二份，當中近七成六人支持、逾兩成一反對政改方案，仲列出支持同反對嘅具體意見添，支持嘅意見包括「平衡提委會名單的代表性，現較偏重工商界」、「增加選委會人數更好，能有多一點認受性」。

反對意見就有「重啟政改程序」、「拒絕袋住先」等。Felix又話，雖然京官話冇空間修改政改方案，但呢啲都係政治決定，覺得仲有空間喎。