政制及內地事務局局長譚志源（Raymond）之前話對立法會通過政改方案感到悲觀，指方案可以通過嘅機會接近零。不過，佢尋日出席一個政改諮詢座談會後就一反常態，話議員近日反應同兩個月前相比有所緩和，加上個別泛民主派議員有誠意同中央官員溝通，覺得通過政改嘅機會係審慎樂觀喎。不過，距離六月投票仲有成三個月，期間仲有唔少變數，政改能否通過都係未知之數。但可以肯定嘅係，隨着拉票工作愈來愈多，佢呢幾個月嘅心情肯定大上大落喇！
