九巴顯示屏長壞冇理修

九巴網站資料顯示，九巴於○三年起在全港多個主要巴士總站設置電子顯示屏，旨在為乘客提供巴士班次資訊。然而，家住屯門的李先生卻發現，屯門碼頭巴士總站的大型電子顯示屏自今年三月起故障，一直未見維修，「個巴士站牌壞咗好耐，投訴過好幾次，次次站長都話公司未批錢所以整唔到，咁即係幾時先整？」

乘客促維修重獲資訊

無獨有偶，近日亦有市民反映元朗西總站及荃灣鐵路站巴士總站有類似情況。「兩個都係大站，好多人喺度等車，有啲（巴士）線嘅班次好疏，啲顯示屏壞晒睇唔到幾時開車，又唔敢行開，真係等到人都呆！」家住元朗、常於上述兩個巴士總站候車的陳小姐不滿九巴未正視乘客需要，「九巴已經成日脫班，有個顯示屏寫清楚開車時間都仲有得預下，點知依家都冇埋，你話係咪離譜？」陳小姐要求九巴盡快維修，讓乘客重獲資訊。

荃灣 荃灣鐵路站巴士總站的電子顯示屏亦告故障。

屯門 屯門碼頭巴士總站大型電子顯示屏失靈多時。

記者曾到上述三個巴士總站視察，發現屯門碼頭巴士總站有屏幕因故障停用，僅在旁增設一個迷你顯示屏，但每當有巴士駛近時，迷你顯示屏便會被完全遮擋。至於元朗西和荃灣鐵路站的巴士總站內雖設有多個小型顯示屏，可惜全告損壞、未能運作。

乘客心聲 彭先生：「冇咗個大屏幕好唔方便，依家就算有個細嘅喺度都畀其他車遮住晒！」

鄭小姐：「如果有顯示屏睇住，可以揀搭邊架車，依家冇得睇，都唔知邊架開先！」

議員斥質素每況愈下

九巴發言人表示，屯門碼頭總站電子顯示牌使用多年，早前損壞後改用液晶體電視代替，而荃灣鐵路站總站的顯示屏亦因軟件故障失靈，現時已完成維修；至於元朗西總站的顯示屏，發言人則謂現正研究替代方案。

「九巴好多時都攞路面擠塞做脫班藉口，可能因為咁就索性拖住唔整啲顯示屏，如果係咁就係斬腳趾避沙蟲！」立法會交通事務委員會副主席鄧家彪指九巴年年加價，服務質素卻每況愈下，即使硬件損壞仍拖延維修。鄧指巴士總站設立顯示屏原為方便市民了解班次資訊，長期損壞會對乘客造成影響，要求九巴認真處理。

記者：黃煒堯