受反修例示威衝突嘅打擊，香港經濟已步入衰退，打工仔飯碗不保，好多立法會議員都要求政府考慮豁免一年預繳稅，認為紓困作用較大，但與會嘅財金官員只係重申一貫政策，激到有議員批評當局添煩添亂。老實講，財政司司長陳茂波之前推出三輪紓困措施，被外界狂轟係小恩小惠，仲有啲業界係冇受惠，等佢哋自生自滅，依家市民收入下降，生活艱難，政府都唔肯豁免預繳稅幫吓忙，繼續照吸錢，咁叫做紓解民困？
