政情：公民講場：泛民扭計（舌累）地　李國章讚「可愛」

行政會議成員李國章喺出任中大校長同教育統籌局局長時，已出名火爆同語出驚人，尋日佢接受電台訪問討論政改、佔中同學生罷課，講唔夠幾句就爆發，狠批班大學生罷課係純粹為咗「做騷」，啲中學生罷課更令人擔心變做「紅衞兵」。講到泛民杯葛政改第二輪諮詢，李國章更形容泛民嘅表現，就好似啲奀皮嘅細路哥，唔肯畀嘢佢就唔同你玩、唔睬你、或者喺地下度一輪，「都幾可愛吓！」