政情：今日你上鏡：政團譏林鄭 「呃鬼食豆腐」

政務司司長林鄭月娥早前喺美國《華爾街日報》撰文，聲言二○一七普選特首方法未必係終極方案，日後仍可作修改，暗示叫泛民同全港市民將呢個中途方案「袋住先」。新民主同盟約十名成員，尋日就由金鐘海富中心遊行到政府總部示威，並喺政總外上演咗一齣街頭劇，由立法會議員范國威親自扮演林鄭，即場餵多隻「嘩鬼」進食真豆腐，諷刺政府同建制派嘅「袋住先」理論係「呃鬼食豆腐」，相當生動同貼切。