大隻佬揸的士 廿年首遇劫

匪內地口音 搶千元及三手機

麥指，四人登車後以「好難聽得明嘅普通話」要求往將軍澳寶林邨。當的士駛至新都城二期對開，其中一名坐於後座的男子突要求停車，並落車行去車尾神神秘秘講電話近一分鐘，上番車後又說要改往魷魚灣村。麥當時已覺事有可疑，當的士到達村口近消防處將軍澳宿舍對開一條斜路後，後座其中兩匪分持𠝹刀和利刀向麥架頸指嚇。

麥在雙刀威嚇下，未有貿然反抗，並冷靜提醒對方：「要錢你就攞啦！最緊要唔好手震，睇住你把嘢（刀）呀，唔好篤咁埋就得喇。」四匪掠走約一千元現金及三部共值約六千元電話後，往山坡方向逃去，當時咪錶顯示車資為二百七十七元，麥亦白做一趟。適時，有另一部車輛駛至，麥向司機求助及報警。警方趕抵現場搜捕，但無結果，僅在山邊檢回其中一部屬於麥的電話，相信是賊人遺下。

麥事後表示駕夜更的士廿年，是首次遇劫，戲言「獻出咗第一次」，又稱：「做呢行唔驚嘅，夜晚咩人都有㗎啦。」。麥雖然身形大隻，但被問及為何沒有抗賊時解釋：「一個對得幾多個呀？」「自己無受傷都偷笑啦。」四匪年約廿至卅歲、身高約一點七米、操內地口音，警方正追緝歸案。