慈善基金：瀕盲鄭婆婆 眼藥費待援

疾病來襲，無人可阻；對於清貧病者而言，既要擔心病情，復為無力支付醫療費用感徬徨，可謂雪上加霜。七十一歲的鄭婆婆年輕時在製衣廠當車衣工人，丈夫則為小巴司機，儘管二人膝下猶虛，且於退休後僅靠綜援金維生，粗茶淡飯亦感滿足。可惜，鄭婆婆雙眼的視力近年逐漸衰退，近月病情更不斷轉差，醫生建議必須盡快接受自費針藥治療，以挽回僅餘視力。「醫生話初步每個月打一次，一針要成萬二蚊，兩隻眼各要打一針，就算點慳我哋都冇可能負擔得到！」

黃斑性病變 難負擔自資藥

鄭婆婆憶述，約於○五年開始發現左眼視物不清，兩年後右眼視力亦告下降，「依家睇嘢矇查查，有人離遠同我打招呼都睇唔清楚佢係邊個，要行近我面前兩呎先至睇到。」鄭婆婆直言近期覆診時獲悉病情惡化，感到「個心沉一沉」，「依家連切菜都唔得，老公都怕我切到手，要幫手煮飯！」猶幸丈夫照顧有加，令鄭婆婆大感欣慰。「托賴自己身體都算係咁，冇乜大病痛，做得幾多就幾多，最緊要老婆冇事！」現年八十四歲的譚伯亦為妻子病情而擔憂，盼善長能施援手，「我睇咗《東方日報》好多年，知道東方有個基金幫到好多人，所以就試吓！」

香港眼科醫院發言人證實，病人患上老年黃斑性病變，建議病人雙眼接受眼內注射自費藥物Eylea「愛亮眼」（Aflibercept），有關藥物屬抗血管表皮生長因子藥物，以穩定病人視力，減低病情惡化及致盲機會。目前每次注射費用為一萬二千元，病人是次療程左右眼各需注射一針，日後亦有可能需再次注射。倘病人未能接受此項療程，視力可能會轉差。

捐款編號：12556

記者：徐少琴