政情：新民黨爆退黨潮

創黨成員拉隊走

消息指出，今次退黨嘅一共有八人，分別喺會員大會當日同前後幾日遞信，我哋向過新民黨主席葉劉淑儀求證，葉太話呢幾日的確有人退黨，據佢所知總數只有三、四人，算唔得上係退黨潮。

新舊人爭住上位

據分析，今次退黨潮其實與新民黨近年改以「收購合併」，急速擴充黨員人數同選舉版圖有關。葉太當年成立匯賢智庫，主張用人唯才，吸引唔少高學歷同有心從政嘅人士加入，但近排葉太為咗加速發展，改採「即食」模式，舊人與新人之間，難免出現磨合問題甚至利益鬥爭。