政情：今日你上鏡︰李家傑錫身 戴罩擋霧霾

內地霧霾好嚴重，尤其係北京，唔止天空經常灰蒙蒙一片，上個月月底仲破天荒連續多日發出空氣重污染橙色預警。最近好多人上京開會，口罩係一眾政商界名人必備用品，恒基地產副主席李家傑（Peter）尋日就戴住一個名牌立體口罩，造型夠晒特別，如果唔仔細望就認唔到係李家大公子添！我哋上網睇番資料，呢隻口罩勝在可以過濾極細微塵粒，內籠亦有較大空間，咁就唔怕焗到抖唔到氣喇！Peter確係好錫身。