渡海濠情：虛擬情人 刺激男友
英國有網絡公司推出「虛擬情人」服務，畀長期單身或者失戀冇耐嘅朋友，喺社交網上虛擬一個情人嚟互相打情罵俏，嚟自帝濠桑拿嘅瑤瑤話，呢個做法最啱要嚟激死前度男友。
拍拖追蹤
瑤瑤話：「兩年前我同前男友分手，曾經有段日子好唔開心，後嚟得啲姊妹開解，我決定要活得比佢好，於是多買一部手機，就喺玩開個社交網站內，多開一個帳戶，跟手虛構咗個新男朋友出嚟，一得閒嘅時候，我就用兩部手機一問一答，內容有咁肉麻得咁肉麻，為咗要做得逼真啲，我去親啲拍拖勝地，就拍啲街景放上網，跟手就話我哋去邊度邊度拍拖，去情調一流嘅餐廳食嘢時，就更加要影多兩張！」
報仇雪恨
前度男朋友最後有冇睇到呀？瑤瑤話：「我哋分手之後，佢刪咗對我嘅關注，但我哋有唔少共同認識嘅朋友，我發訊息，如果有朋友回應，佢都一定會見到，知道我日日拍拖，開開心心，佢不知幾激氣，有次朋友聚會，佢仲衰衰咁話：『祝你幸福』，我即時窒番佢：『有人唔識得珍惜，家陣當然後悔莫及啦！』，即時激到佢啤一聲，真係乜仇都報晒，但搞啲咁嘅嘢，真係好花工夫，家陣有公司推出呢種服務，真係最好不過！」
瑤瑤Profile
年齡：23歲
三圍：36-24-35
撰文：小德
攝影：阿昌