政情：大舞台：長者生活津貼擦出火

為長者生活津貼計劃撥款將於周五提交立法會財務委員會，肩負重任嘅勞工及福利局局長張建宗（小肥張）連續幾個星期不停爭取議員支持撥款，尋日更喺福利事務委員會上忍唔住同議員開火。話說小肥張喺會議前段都尚算客客氣氣嘅，但一聽到工聯會麥美娟話佢挾四十萬長者福祉「要脅」議員通過時即時被辣着，一次過爆晒佢近日嘅「鬱結」，聲言市民都睇到今次係邊個要脅邊個喎，估唔到小肥張都咁好火。